Gaur bertan hasi du sendatzeko prozesua Ruizek eta odol-plasmaren tratamendua erabiliko dute. Odoletik plasma aterako diote, eta tratatu eta azkar sendatzen lagunduko dioten gaiekin aberastu ondoren, berriro sartuko diote.
Hurrengo egunetan ultrasoinuak eta inflamazioa jaisteko tratamendua erabiliko dute medikuek, erabat sendatu arte.
Gaur arratsaldean, Raik eta Fernando Goñik kanporaketa honetako azken partida jokatuko dute Tolosako Beotibarren. Irabazleak Oier Zearraren kontra jokatu beharko du final-zortzirenetan. Rai nahiko patal dabil azkenaldian, eta Fernando Goñi, berriz, sasoiko.
Final-zortzirenetako beste neurketa batean, Juan Martinez de Irujok Sebastian Gonzalez izango du aurrean.
Buruz buruzko pilota txapelketa
Patxi Ruizek zuntz haustura txikia du orkatilean, eta kanporaketa jokatzeko moduan jar daiteke
Patxi Ruiz Lizarrako pilotariari gaur goizean erresonantzia magnetikoa egin diote Gasteizen, eta orkatilean zuntz haustura txikia baino ez duela ohartu dira medikuak. Hori dela eta, Ruiz eskuz banakako txapelketako kanporaketa jokatzeko moduan egongo dela espero dute.
Iruzkinak
Ez dago iruzkinik
Ordenatu
