Pauwels nagusi Munduko Kopako lehen proban

ZIKLO-KROSA. Kevin Pauwels belgikarrak irabazi zuen atzo, Taborren (Txekiar Errepublika), Munduko Ziklo-kros Kopako lehen proba. Pauwelsek hamalau segundoren aldea atera zion Lars Van der Haar herbeheretarrari, eta hamaseirena Niels Albert herrikideari. Egoitz Murgoitio abadiñoarra (Hirumet) 36.a izan zen, irabazlearengandik 3.30era. Datorren igandean jokatuko da bigarren proba, berriro Txekiar Errepublikan, Plzenen. Bestalde, Javier Ruiz de Larrinaga arabarra (Spiuk) nagusitu da asteburuan Espainian jokatutako bi probetan.