Peter Saganek (Liquigas) irabazi du Paris-Nizako bortzgarren etapa, Pernes les Fontaines eta Aix en Provence arteko 157 kilometroko ibilbidean. Gaurkoarekin, aurtengo ekitaldian irabazitako bigarren etapa du elovakiar gazteak. Alberto Contadorrek (Astana) segitzen du lider, itzulia bukatzeko bi etaparen faltan.
Saganek bi segundoko aldea atera die helmugan Mirco Lorenzetto italiarra (Lampre) eta Alejandro Valverde espainiarra (Caisse d'Epargne) buruan izan dituen taldeari. Alberto Contadorrek ez du aparteko zailtasunik izan mailot horiari eusteko.
Bihar azken aurreko etapa jokatuko dute, Peynieeta Tourrettes-sur-Loup artean, 220 kilometrokoa. Zortzi mendate igo beharko dituzte txirrindulariek.
Txirrindularitza
Peter Saganek irabazi du Paris-Nizako etapa, bigarrenez
Iruzkinak
Ez dago iruzkinik
Ordenatu
