Michael Phelpsek (AEB) irabazi du 200 metro estiloetako finala, eta Olinpiar Jokoetan lortu duen 20. domina izan da. Ryan Lochte herrikideak eskuratu du zilarra, eta Laszlo Csehk (Hungaria) brontzea.
Uretara jauzi egin duen unetik izan da lasterketa buruan Phelps, sendo. Munduko errekorra ontzeko bidean zen lehen 150 metroetan, baina azken luzean pixka bat behera egin du. Hala ere, erakustaldia eman du, berriro.
20. domina du Olinpiar Jokoetan; herenegun gainditu zituen Larisa Latinina errusiarraren 18 dominak, eta ordutik, inoizko olinpiar kirolaririk onena da. Hamasei ditu urrezkoak, bi zilarrezkoak eta beste bi brontzezkoak.
Sailkapena
1. Michael Phelps (AEB). 1:54.27.
2. Ryan Lochte (AEB). 0.63ra.
3. Laszlo Cseh (Hungaria). 1.95era.
200 metro estiloetan (gizonezkoak)
Tyler Clary estatubatuarrak irabazi du urrea 200 metroko bizkar estiloko saioan, atzetik aurrera eginda. Riosuke Irie japoniarrak eskuratu du zilarra, eta Ryan Lochte estatubatuarrak brontzea.
Aurretik joan da Lochte lehen 100 metroetan, baina bete egin da, eta Irie eta Claryk estu hartu dute.
Sailkapena
1. Tyler Clary (AEB). 1:53.41.
2. Ryosuke Irie (Japonia) 0.37ra.
3. Ryan Lochte (AEB). 0.53ra.
200 metro bular estiloan (emakumezkoak)
Rebecca Sonik (AEB) irabazi du urrea 200 metroko bular estiloko proban. 2.20tik jaistea lortu, eta munduko errekorra hobetu du 2.19.59ko denborarekin.
Zilarra Satomi Suzukik (Japonia) eskuratu du, eta Iuliia Efimovak (Errusia) brontzea.
Sailkapena
1. Soni Rebecca (AEB). 2:19.59.
2. Satomi Suzuki (Japionia). 1.13ra.
3. Iulia Efimova (Errusia). 1.33ra.
100 metro libreak (emakumezkoak)
1. Ranomi Kromowidjojo (Herbehereak). 53.00.
2. Aliaksandra Herasimenia (Bielorrusia). 0.38ra.
3. Yi Tang (Txina). 0.44ra.
