West Merciako Poliziak baieztatu du 48 urteko gizonezko bat hil dela poliziek taser pistolaz tiro egin eta gero. 01:30 aldera egin diote tiro, eta ordu eta erdiz egon dira larrialdi zerbitzuak hura suspertu nahian. Hil egin da, ordea, 03:00 aldera. Poliziak zer dela-eta egin dion tiro ikertzen ari da Poliziaren aurkako Kexen Batzorde Independentea. Realak dolumina agertu du gaur Atkinsonen heriotzaren berri izan ostean.
Erresuma Batuko hedabideek zabaldu dutenez, Dalian Atkinson Realeko jokalari ohia da Ingalaterran hildakoa. 1990ean fitxatu zuen klub txuri-urdinak, 150 milioi pezetaren truke, eta urtebete baino ez zuen jokatu Donostiako taldean. Fitxatutako aurrenetako atzerritarra izanik, ordea, realzale askoren oroimenean geratu zen Atkison. Hamabi gol sartu zituen 29 partidatan; horien artean, gogoangarria da Bartzelonari Camp Noun sartutakoa.
[Youtube]https://youtu.be/HwFW6FPqVZE[/Youtube]
Ondoren, Erresuma Batura itzuli zen, Aston Villan jokatzeko. Ingalaterrako Ligako historian gol onenetarikotzat jotzen dena sartu zuen han:
[Youtube]https://youtu.be/6A9G6RVkepg[/Youtube]
Realean haren taldekide izandako John Aldridgek samina adierazi du sare sozialetan. Gainera, gogoan izan du Camp Noun eginiko gol hura:
I'm absolutely gutted to hear the news of dalian dying,can't take it in really,my thoughts are with his family!so sad RIP My friend!
— John Aldridge (@Realaldo474) 2016(e)ko abuztuak 15
I'll always remember When we beat Barca at the Nou camp 3-1,after they lifted the LaLiga trophy!Dalian ran them ragged,What a performance!
— John Aldridge (@Realaldo474) 2016(e)ko abuztuak 15
