Hirugarren urtez goi mailako txapelketa izango da Getxoko (Bizkaia) Punta Galeako olatu handien surf txapelketa. Hirugarren urtez sartu du Olatu Handien Munduko Zirkuituan, eta ipar hemisferioan jokatuko diren lau probetako bat izango da. Beste hiruak Oregongoa (AEB), Hawaiikoa (AEB) eta Santu Guztiena (Mexiko) izango dira.
Munduko osoko 24 surflari ariko dira olatu handien zirkuituan. Munduko Surf Ligakk antolatzen du (WSL) eta egun bakarrean jokatuko da. Egun hori urriaren 15ean eta otsailaren 28a bitarteko bat izango da, gutxieneko sei edo zazpi metroko olatuak iristen direnean, haizeak uzten duenean. Surflariek aurreikuspen metereologikoei erne egon beharko dute, jakinarazten zaienean Getxora etortzeko.
Punta Galean azken urteetan 10.000 zale bildu ditu olatu handien txapelketak. Antolatzaileek aurten berritasunak iragarri dituzte.
