Eguraldia bezalakoa, tristea eta grisa, izan da Espanyol eta Athleticen arteko gaurko partida. Europan sartzeko puntuen beharra izan arren, Valverdek nahiago izan du ohiko hamaikakoko jokalarietako batzuei atseden eman.
Partida hau irabaztea garrantzitsua zen zuri-gorrientzat. Izan ere, Osasunaren aurka berdindu ostean, Europarako txartelak bermatu behar dituzte nola edo hala. Baina gol aukera gutxi izan dituzte gaur ere. Hala puntu bakarrarekin itzuli da etxera Valverderen taldea.
