Quick Stepek ez du taldetik bidaliko Boonen

Tom Boonen (1980, Belgika) txirrindulariak kokainagatik positibo eman duen arren, Quick Step-ek ez du taldetik bidaliko eta eutsi egingo dio kontratuari -hiru urtekoa du-, gaur taldeak esan duenez.

Boonenek berak barkamena eskatu du. "Ez naiz perfektua", esan du.

Belgikako Itzulia hasi baino bi egun lehenago ustekabean egindako kontrolean eman zuen positibo, maiatzaren 26an, eta bi urteko zigorra jaso dezake.

2005ean Mundu Txapelketa irabazi zuen. Horretaz aparte, oso palmares zabala du (70 garaipenetik gora): Frantziako Tourrean etapak, Espainiako Vueltan, Paris-Nizan, Paris-Roubaix bi aldiz (aurten bertan azkena)...