Raul Garcia: «Ezeri ez diogu uko egiten»

OSASUNA. Raul Garciaren arabera, «aspaldiko partidarik osoena» egin zuen Osasunak Bartzelonaren aurka, eta, garaipen horri esker, «behera baino gehiago, gora begira» jarri dira. Helburua, hala ere, argi dute: mailari eustea. «Behin hori lortuta hasiko gara beste gauzetan pentsatzen. Hori bai, ezeri ez diogu uko egiten». Bestalde, Patxi Puñal ez zen entrenatu atzo, gripearekin baitago.