Bartzelona eta Real Madril arituko dira gaur Espainiako Kopako finalean, hirugarren urtez jarraian. Real Madrilentzat izan zen atzo final preziaturako bigarren txartela, Sevillako Banca Civicari 92-84 irabazi baitzion. Merezita gailendu ziren Pablo Lasoren jokalariak, partida osoan aurretik egon baitziren.
Lehenengo laurdenean joko paregabea egin zuen Real Madrilek, eta min handia egin zieten aurkariari hiruko lerrotik (27-14). Bigarrenean, baina, esnatu egin zen Banca Civica, eta 11-0eko partzialari esker partida estutu zuen atsedenaldiaren aurretik (46-44). Hortik aurrera, ordea, Madrilgo taldea nagusi izan zen. Hirugarren laurdenean maisutasunez jokatu eta alde polita lortu zuen (76-60). Azken laurdenean errentari eustea nahikoa izan zen. Mirotic izan zen jokalari onena.
Saskibaloia. Espainiako Kopa
Real Madril erraz sailkatu da finalera, Banca Civicari irabazita (92-84)
Hirugarren laurdenean jaun eta jabe izan dira Lasorenak, eta merezita arituko dira Bartzelonaren aurka
Iruzkinak
Ez dago iruzkinik
Ordenatu
