Realak eta Osasunak lagunartekoa dute gaur

FUTBOLA. Realak eta Osasunak lagunarteko partida jokatuko dute gaur. Bi taldeak elkarren aurka ariko dira, Iruñean (19:00), asteburu honetan Lehen Mailako partidarik izango ez dela baliatuz. Sarrera doakoa izango da. Joseba Llorentek bere aurreko taldearen aurka jokatuko du, eta «oso polita» izango dela uste du. Bi astez ez jokatzea «oso luzea» egiten dela onartu du.