Revuelta eta Boulaid azkarrenak Donostian

ATLETISMOA. Alberto Revuelta espainiarra —Elgoibarren bizi da— eta Kaoutar Boulaid marokoarra nagusitu ziren atzo Donostiako Klasikoan. Revueltak 47.46ko marka egin zuen hamabost kilometroko ibilbidean, eta Boulaidek 54.52koa. Euriak marka hobeak egitea eragotzi zuen. Beste horrenbeste gertatu zen herenegun Bilbon jokatutako gaueko maratoian, euriak atleten jarduna zaildu baitzuen. Tewodros Zewdu eta Meseret Terefe etiopiarrarentzat izan zen garaipena, 2.18.07 eta 2.53.36ko markarekin.