Riesgok bihurritua dauka belaunean

OSASUNA. Asier Riesgo Osasunako atezainak Atletico Madrilen kontrako partidan hartu zuen min, herenegun. Atzo egin zioten azterketa, eta lesioa ez da hasiera batean uste zen bezain larria: ez dauka hausturarik belaunean, bihurritua baino ez. Atzo ez zen taldekideekin batera entrenatu, eta medikuek ez dute jakinarazi noiz hasiko den. Andres Fernandezek ordezkatu zuen herenegun Riesgo, eta hura mintzatu zen atzo Taxoaren. «Niretzat denak berdin jarraitzen du. Lanean jarraituko dut, eta entrenatzaileak aukeratu dezala», esan zuen.