Roberto Lopez Ruper Osaunako jokalariak senda-agiria jaso du gaur. Azaroaren 3tik egon da min hartuta, entrenamendu batean ezker belauneko aurreko lotailu gurutzatua hautsi zuenetik. Orduko horretan denboraldi osoa galduko zuela uste zen, baina bost jardunaldi falta direnean entrenatzailearen esanetara da berriro.
Hala ere, zaila izango du jokatzea. Izan ere, orain dela aste batzuk hasi zen entrenatzen eta jokatzeko erritmoa falta du. Gainera, Osasuna jaitsiera postuetan sartu da azken jardunaldian, eta Jose Luis Mendilibarrek ziurrenik denboraldi honetan eskarmentu gehiago izan duten jokalarien alde egingo du.
