Iker Martinezek eta Xabi Fernandezek lana hobetzeko aukera dute egunak aurrera egin ahala, baina ez doaz bide onetik. Eguna sailkapenean zortzigarren zirela hasi dute eta, bi lasterketak eginda, atzera egin dute 11. posturaino.
Bosgarren lasterketan 14. izan dira eta seigarrenean, 18. postuan helmugaratu dira. Ondorengo lasterketetan oso fin ibili beharko dira sailkapenean gora egin nahi izatekotan.
Nathan Outtridge eta Ian Jense australiarrak lider jarraitzen dute gaurko estropadetan bigarren eta lehenengo postuak eskuratuta. Guztira, 9 lasterketa dituzte finalaren aurretik. Sailkapen orokorreko hamar lehenengoak dominak lortzeko borrokara igaroko dira.
