Zoria ez du lagun izan San Antoniok Espainiako Kopan. Final-laurdenetan Ciudad Realen kontra lehiatzea suertatu zaie, Bartzelonarekin batera zozketako talderik gogorrena.
Kopan lan ona egiteko itxaropena zuten iruindarrek, baina aurkariaren berri izatean atsekabeturik gelditu dira, asko zaildu zaielako final-erdietarako bidea. Juanito Apezetxea entrenatzailea etsita agertu zen atzo parekatzea jakin zuenean: «Nire ustez Europako talde hoberenari buruz ari gara hitz egiten. Bere atezainak, defentsak eta kontraerasoak hiltzaileak dira, baita pibotearen jokoa ere; ezustean harrapatu nahi baditugu, zerbait asmatu beharko dugu».
Beste parekatzeak Bartzelona-Ademar Leon, Octavio-Valladolid eta Granollers-CAI Aragoi izan dira.
Itxakok irabazi egin du ligan
Bestalde, ABF ligan nagusitasunez irabazi zuen Itxakok Vicar Goyaren aurka, 32-16. Hasieratik nagusitu ziren nafarrak, eta atsedenaldirako errenta garbia zuten. Etzi, Txapeldunen ligan aurrera egiteko partida garrantzitsua izango dute Oltchim Valcearen aurka, 19:00etan, Lizarran. Bigarren ligaxkako lehenengo garaipenaren bila aterako dira euskaldunak, aurreneko jardunaldian Krim Mercatorren kontra 30-26 galdu ostean. Itxako azken postuan dago egun.
San Antoniok ez du zorterik izan zozketan
Iruñeko taldeak Ciudad Realen aurka jokatuko du Espainiako Kopako final-laurdenetan
Iruzkinak
Ez dago iruzkinik
Ordenatu
