Hasiera ezin hobea eman dio emakumezkoen estropadak Lekeition (Bizkaia) jokatzen ari diren Euskadiko Traineru Txapelketari. Emoziorik ez da falta izan. Ontziak erritmo bizian aritu dira, eta lehia estua izan dute hasieratik bukaerara.
Eta San Juanek eraman du saria, 11 minutu eta hiru segundoko denbora eginda. Hibaika geratu da bigarren, bi segundo pasatxora. Indartsu hasi bada ere, Zumaiako ontzia pixka bat atzerago sartu da, bost segundo ingurura. Gaurkoarekin laugarren estropada garaipena dute jarraian pasaitarrek. Gipuzkoako Txapelketa ere irabazi zuten.
Bi ontzi faborito
2008an hasi ziren jokatzen emakumezkoetan Euskadiko Traineru Txapelketa, eta orduz geroztik ez da bi ontziren artean aurten bezalako berdintasunik egon: San Juan edo Hibaika, Hibaika edo San Juan. Bi horiek ziren faborito estropadaren aurretik, eta aurreikuspen guztiak bete dira. Ez dute hutsik egin: San Juan izan da azkarrena.
Sailkapena:
1. San Juan 11:03
2. Hibaika 2.22ra
3. Zumaia 5.23ra
4. Getaria-Zarautz 47.58ra
