Ez zuten nahikoa Euskotren Ligarekin, eta Zarauzko Bandera ere Pasai Donibaneko traineruarentzat izan da. San Juanek 11:14.22ko denboran osatu zuen igandean bigarren eguneko estropada, eta azken bandera lortu. Hibaika sei segundora helmugaratu zen, eta Orio, 27ra. Arraun Lagunak 37 segundo geroago iritsi zen.
Bezperan, San Juanek ondo bideratuta utzi zuen Zarauzko Bandera irabazteko aukera. Ia hamar segundoren aldearekin irabazi zion Hibaikari, eta erabakita utzi zuen liga. Azkenean, Euskotren Liga 31 puntu pilatuta amaitu dute Pasai Donibanekoek, eta 25ekin Hibaikak.
San Juanek laugarrenez segidan irabazi du Euskotren liga.
