SASKIBALOIA. Chalmersen fitxaketak joko eredu berriak eskainiko dizkio Perasovici

Atsedenerako tarte gutxi dago Baskonian. Denboraldiko une erabakigarria hastear dagoela Lionel Chalmers joko banatzailea ekaina arte fitxatu du, taldea indartzeko. 25 urtekoa da, 1,78 metroko luzera du, Atenasko AEK taldetik dator eta AEBetan jaioa da. Fitxaketa taldea Euroligan indartzeko dela esan zuen Perasovicek Estudiantesen aurkako partidaren ostean, baina Chalmersek Tauren barruan egun bizi den oreka apur dezake.

Euroligan Tauko hiru atzerritarrek, Hansenek, Jacobsenek eta Chalmerrek berak aldi berean joka dezaketen arren, ACB Ligan eta Kopan bik baino ezin izango dute parte hartu. Perasovicek, beharraren arabera, aldaketak egin ditzake etorkizunean.