Gertatu zen iaz futbolean, Bartzelonak eta Athleticek jokatutako Espainiako Koparen finalean, eta ordukoa errepikatu zen atzo saskibaloian, Gasteizen. Bartzelonak eta Valentziak jokatu zuten atzo Espainiako Kopako finala, eta hainbat zalek txistuak jo zituzten Espainiako erregea Fernando Buesa Arenan agertu zenean.
Iaz futboleko finalean egin zuten antzera, asko laburtu zuten atzo Espainiako ereserkia. Gainera, zale ugarik Kanpora! Oihukatu zioten erregeari, eta beste hainbatek Kataluniako bandera independentistak eta ikurrinak zabaldu zituzten ereserkiak iraun zuen segundoetan.
Kopa Bartzelonara joan da, finalean Valentziari 85-69 gailenduta. Pete Mickeal izendatu zuten finaleko jokalari onena.
