Datorren denboraldian Savio Bartolini taldean izan nahi zuen Realak, baina jokalariak ez du onartu egin dioten eskaintza. Horrenbestez, beste futbol talderen batera joango da, zirrenera Levantera.
Bigarren mailan lehiatuko duen denboraldiari aurre egiteko mugimenduak hasi ditu talde txuri-urdinak, eta, besteak beste, jakinarazi dute beste talde batzuetan utzita zeuden Gorka Larrea, Dani Cifuentes eta Markel Bergara berreskuratuko dituztela. Halaber, Gorka Elustondo eta Dani Estrada gazteak lehen taldera eramango ditu.
Igor Jauregik, Ander Susaetak, Fabio Rossatok eta Juan Dominguezek ere utzi egingo dute taldea, eta Realean utzita zeuden German Herrera eta Jesulil jatorrizko taldeetara itzuliko dira.
Gainera, oso litekeena da Aitor Lopez Rekartek eta Darko Kovacevicek ere Reala uztea. Izan ere, Realak kirol zuzendari berria izendatu arte ezin die eskaintzarik egin, eta ekainaren 30ean bukatzen zaie biei kontratua.
Zenbait iturrik zabaldu dutenez, Miguel Angel Lotina entrenatzaileak ere utzi egingo du Reala, baina iturri ofizialek ez dute halakorik baieztatu.
Saviok ez du onartu Realean jarraitzeko eskaintza
Lopez Rekartek eta Kovacevicek ere ez dute ziurrenik talde txuri-urdinean jarraituko.
Iruzkinak
Ez dago iruzkinik
Ordenatu
