Serena Williams tenislariak Australiako Irekia irabazi du gaur, laugarren aldiz. 59 minututan nagusitu zaio Dinara Safina errusiarrari txapelketaren finalean, 6-0 eta 6-3 emaitzarekin. Titulua eskuratzeaz gain, munduko tenislaririk onenaren sailkapenean lehen postua berreskuratu du, baita 10. Grand Slam-a bereganatu.
Lehendik ere bazekien Williamsek Australian irabaztea zer zen, Irekia 2003an, 2005ean eta 2007an irabazi baitzuen. 2008ko irabazleak, Maria Sharapovak, ezin izan du aurten jokatu, lesioagatik.
Munduko emakumezko tenislaririk onenaren sailkapeneko lehenbiziko postuan ere egona da lehenago ere, beste bi bider. Guzira, bi aldi horietan, 61 aste iraun zuen gailurrean.
Tenisa
Serena Williamsek Australiako Irekia irabazi du, laugarren aldiz
Estatubatuarra ordubetean nagusitu zaio finalean Dinara Safina errusiarrari, 6-0 eta 6-3. Titulua eskuratzeaz gain, munduko tenislaririk onenaren sailkapenean lehen postua berreskuratu du.
Iruzkinak
Ez dago iruzkinik
Ordenatu
