Sevillak irabazi du Asturiasko Itzuliko bigarren etapa, eta Machado da lider

Bigarren etapa Asturiasko Itzulian eta bigarren garaipena Rock Racing taldearentzat. Oscar Sevilla espainiarrak lekukoa hartu zion atzo Gleen Chadwick taldekide zeelandaberritarrari, eta bigarren etapa irabazi zuen. Sevillak esprintean hartu zien aurre harekin batera etapako azken mendatea buruan pasatu zuten hiru iheskideei: Samuel Sanchez (Euskaltel-Euskadi), Hector Guerra (Liberty) eta Freddy Montana (Colombia Boyaca). Sailkapen nagusian, ordea, Rock Racing taldeak lidergoa galdu du, Tiago Machado portugaldarra (Madeinox Boavista) baita lehen sailkatua orain. Gaur bi saio jokatuko dira: 88,7 kilometroko etapa, eta 14,2 kilometroko erlojupekoa.

Bestalde, Romandiako Tourrean, Ricardo Serrano espainiarrarentzat izan zen lehen etapako garaipena. Fuji Servetto taldeko txirrindulariak azken metroetan gainditu zituen Lars Bak (Team Saxo) eta Gregory Rast (Astana) iheskideak. Haiengandik 28 segundora iritsi ziren Tony Martinalemaniarra (Columbia) eta Haimar Zubeldia euskalduna (Astana). Rast da Romandiako Tourreko lider berria. Gaur 14,8 kilometroko taldekako erlojupekoa jokatuko da.

Sailkapenak

ASTURIASKO ITZULIA

Bigarren etapa

1. Oscar Sevilla (Rock Racing)4.21.42

2. Samuel Sanchez (Euskaltel) d.b.

3. Hector Guerra (Liberty)d.b.

4. Freddy Montana (Colombia)1era

5. Branislau Samoilau (Amica)25era

Nagusia

1. Tiago Machado (Boavista)7.45.31

2. Glenn Chadwich (Rock Racing) 20ra

3. Oscar Sevilla (Rock Racing) 2.44ra

4. Samuel Sanchez (Euskaltel) 2.46ra

5. Hector Guerra (Liberty)2.48ra

ROMANDIAKO TOURRA

Lehen etapa

1. Ricardo Serrano (Fuji Servetto) 2.03.35

2. Lars Bak (Team Saxo)d.b.

3. Gregory Rast (Astana)d.b.

4. Tony Martin (Columbia)28ra

5. Haimar Zubeldia (Astana) d.b.

Nagusia

1. Gregory Rast (Astana)2.12.17

2. Ricardo Serrano (Fuji Servetto) 5era

3. Lars Bak (Team Saxo)12ra

4. Frantisek Rabon (Columbia) 33ra

5. Sandy Casar (Francaise des Jeux) 35era