Sicard Euskaltelen ariko da hurrengo bi urteetan

Sasoi bikaina osatzen ari da, eta, hartara, merezitako saria jasoko du Roman Sicardek. Izan ere, Hazparrengo txirrindularia (Lapurdi) Euskaltel-Euskadirekin lehiatuko da hurrengo bi urteetan. 21 urteko txirrindulariak Etorkizuneko Tourra irabazi berri du, eta, gainera, aurten Narancora Igoera eta Ronde L'Isard ere irabazi ditu. Era berean, Jonathan Castroviejoren atzetik dabil Euskaltel.