Sito Alonso: « Inoiz ez dugu Manresan irabazi, erronka polita da»

Bolada gozoan, baina erronkaz erronka. Halaxe segitzen du Lagun Arok, Sito Alonsoren ahotan. Entrenatzailearentzat Manresan jokatzea erronka polita da [bihar ariko da, 19:00etan], Lagun Aro Nou Congosten inoiz irabazi gabe baitago: «Real Madrilen aurkako garaipena pasa zen. Astelehen goizean bukatu zen ospakizuna, eta orduz geroztik Manresa bakarrik daukagu buruan, haien aurka galtzen badugu garaipen bakarrera geratuko direlako sailkapenean». Kantxa zaila, eta taldea ere bai. Javi Rodriguez, Asselin eta Doellmannen lana goraipatu zuen Alonsok.