Gaur jaso du San Antonio Spurs taldeak NBAko iazko tituluaren eraztuna, denboraldiko lehen partidan, eta irabaziz ekin dio jardun berriari: 106-97 gainditu du Portland Trail Blazers. Tim Duncan (Spurs) pibota izan da partidako jokalaririk onena: 24 puntu eta 13 errebote. Tony Parker (Spurs) baseak 19 puntu sartu ditu, Manu Ginobili (Spurs) eskoltak 16 puntu eta zortzi asistentzia. Portlandeko onena, LaMarcus Aldridge hegal-pibota, 27 punturekin.
Houston Rockets-Los Angeles Lakers partidan, Kobe Bryant (Lakers) hegalak 45 puntu egin dituen arren, Houstonek irabazi du: 95-93. Etxeko taldeko onenak, Tracy McGrady hegala (30 puntu) eta Yao Ming pibota (25 puntu, 12 errebote).
Luis Scola Tau Baskoniako jokalari ohiak gaur jokatu du NBAn bere lehen partida, Houstonekin: bederatzi minututan aritu da, ez du punturik sartu eta hiru errebote hartu ditu.
Argazkian, Tim Duncan San Antonio Spurseko jokalaria, gaur.
Saskibaloia
Spurs txapeldunak irabaziz hasi du NBAko denboraldia
Scola bederatzi minututan aritu da Houstonekin, NBAko bere lehen partidan, eta ez du punturik sartu.
Iruzkinak
Ez dago iruzkinik
Ordenatu
