Laugarren aldia da Donostiako eskubaloi taldeak Espainiako Superkopa irabazi duela, eta hirugarrenez eskuratu du jarraian.
Guadalajaran jokatu dute gipuzkoarrek, iragan sasoian kopa eta liga irabazi ostean. Lehengo lepotik dute burua, jokoan zuten lehen titulua eskuratuz hasi baitute denboraldia.
Lehia estua izan dute Bera Berak eta Rocasak. 10-9 nagusitu dira donostiarrak atsedenaldian, eta erabakigarriak izan dira Matxalen Ziarsolo erasoan eta Ana Temprano atean. Azkenean, hiru golen aldeaz gailendu dira.
