Dusko Ivanovic (1957, Montenegro) izango da berriz ere Tau Baskoniako entrenatzailea. Hala jakinarazi du gaur Gasteizko klubak. Hiru denboraldirako fitxatu du. 2000 eta 2005. urteen artean ere izan zen bertako entrenatzaile, eta emaitza onak lortu zituen: 2002an Espainiako ACB Liga irabazi zuten, 2002an eta 2004an Espainiako Kopa, eta Euroligan 2001ean eta 2005ean txapeldunorde geratu ziren.
Tau utzi eta Bartzelonara joan zen Ivanovic 2005ean, baina han ez du arrakasta handirik izan, 2007an Espainiako Kopa lortu bazuten ere. Denboraldi honetan bertan Kataluniako klubak kargutik kendu zuen -otsailean-.
Frantziako eta Suitzako ligetako klubetan ere jardun izan du entrenatzaile. Limogesekin (Frantzia) Europako Korac Kopa irabazi zuen 2000an.
Neven Spahija ordezkatuko du, beraz, Ivanovicek Taun. Denboraldi bat egin du Spahijak, eta Espainiako Liga irabazi dute. Ondoren, baina, klubak kargutik bidali egin zuen.
Saskibaloia
Tau Baskoniak Dusko Ivanovic fitxatu du berriro entrenatzaile posturako
Hiru denboraldiko kontratua sinatu du. 2000-2005 artean ere Gasteizeko entrenatzaile izan zen.
Iruzkinak
Ez dago iruzkinik
Ordenatu
