Iaz bezala, Espainiako Kopako finala jokatuko du Tau Baskoniak aurten, gaur Bartzelonaren aurkako finalerdia 90-77 irabazi duelako -atzo Pamesa gainditu zuen final-laurdenetan-. Unicaja izango du aurkari bihar, 18:30etik (La2), Madrilen. Unicajak 78-71 irabazi dio gaur gauean Estudiantesi.
Nahikoa erraz hartu du mendean Gasteizko taldeak Bartzelona. Lehen laurdena 21-19 bukatu dute, atsedenera 43-34 heldu dira, hirugarren laurdenaren bukaerara 65-52.
Igor Rakovecic eskolta (27 puntu) eta Tiago Splitter pibota (17) izan dira Tauko onenak. Bartzelonakoa, Juan Carlos Navarro eskolta (19).
Real Madril da Kopa titulu gehien dituena: 22. Bartzelonak 20 aldiz irabazi du, Joventutek zortzi, Tau Baskoniak bost.
Saskibaloia
Tau Espainiako Kopako finalera berriro
Bartzelonari 90-77 irabazi dio gaur finalerdia. Unicajaren kontra ariko da bihar (18:30).
Iruzkinak
Ez dago iruzkinik
Ordenatu
