Teletovic: «On egingo digu Prigioniren jarrerak»

SASKIBALOIA. Mirza Teletovic lanean hasi da Baskoniarekin, Europako Txapelketa jokatu eta gero. Denboraldi honetarako fitxaketez galdetuta, hegal-pibot bosniarrak nabarmendu zuen Pablo Prigioniren itzulerak «on egin» diola taldeari. «Prigionik duen jarrerak mesede egingo digu». Joko antolatzaile argentinarra gaur iritsiko da Gasteizera, Amerikako Txapelketa irabazi ondoren.