Thor Hushovd nagusitu da Munduko Txapelketan

TXIRRINDULARITZA. Thor Hushovdek jantziko du urtebetez ortzadar maillota, herenegun Melbournen (Australia) errepideko Munduko Txapelketa irabazi baitzuen. Norvegiarra azkarrena izan zen 18 txirrindulariko talde batean. Matti Breschel danimarkarra eta Allan Davis australiarra sailkatu ziren haren atzetik. Haimar Zubeldia 39.a izan zen, eta Juanma Garate eta Imanol Erbiti erretiratu egin ziren.