Thorpe: «Errealista naiz; olinpiar urrea urrun dago»

IGERIKETA. Ian Thorpe heldu den astean itzuliko da lehiara, igerileku motzeko munduko txapelketetan. Igerilari australiarra 2012ko Olinpiar Jokoetara begira hasi da entrenatzen, eta, atzo adierazi zuenez, urrun ikusten du Londresen ibilbideko seigarren urrea lortzea: «Errealista naiz. Arrakasta lortzeak erakartzen nau, baina ez nago prest. Helburua ahalik eta bizkorren igeri egitea izango da».