Triman Navarra eta Rio Renovables gaur ariko dira

ARETO FUTBOLA. Triman Navarrak Compostelaren aurka jokatuko du gaur etxean, gaueko 21:00etan, eta ordu berean Torrejon hartuko du Rio Renovablesek Tuteran. Bi taldeek gaur amaituko dute denboraldiko lehen itzulia, eta garaipenak on egingo lieke. Triman Navarra sailkatuta dago Espainiako Kopa jokatzeko, baina irabaziz gero lehen bost postuetan sartuko litzateke. Rio Renovablesek, berriz, garaipena behar du jaitsiera postuetatik urruntzeko.