Bukatuta: Realak ligaxkako hiru partidak galdu ditu eta Txapeldunen Ligak ihes egin dio. Txuri-urdinek ez dute distirarik egin baina asko borrokatu dute. Une batzuetan agindu eta guzti egin dute, bigarren zatiaren hasieran bereziki. United, dena den, gehiago izan da eta merezita irabazi du. Gol aukera gehiago eta garbiagoak izan ditu eta azken txanpan etxekoen bigarrena Realaren lehena baino gertuago egon da.
88. min: Partida eromena da. Unitedek bigarren sartzeko hainbat aukera izan ditu. Etxekoek ez dute jokoa lasaitu nahi.
76. min: Castro eta Agirretxe zelaira, Seferovic eta Zurutuzaren ordez. Lehenago Pardo irten da, Prietoren ordez.
72. min: A zer nolako partida jokatzen ari den Rooney, bere taldeko onena izaten ari da. Realean, Zurutuza. Jokoak ez du jaberik, baina Uniteden bigarren golak gertuago dirudi Realaren lehenak baino.
62. min: Kagawak zutoinera bidali du baloia, Rooneyren pase zehatzaren ondoren. Partida hautsi egin da, joan etorri urduria da nagusi.
50. min: Unitedek aukera garbia izan du korner batean. Bravok geldiketa bikaina egin du Jonesen burukadan.
46. min: Reala gehiago izaten ari da bigarren zatiaren hasieran. Manchester UNited bere atean sartuta dago. Txuri-urdinke beste aukera on bat izan dute hiru aldaratze izan dituen jokaldi batean.
46. min: Hasi da bigarren zatia. Realak izan du lehen aukera, baina Vela gutxigatik ez da iritsi Griezmannen erdiraketara.
Atsedenaldia: Lehen zatian behetik gora egin du Realak. Manchesterrek hasi eta berehala sartu du gola, eta Rooneyk beste aukera ona bat izan du baina Bravok arin gelditu du. Etxekoen presioak Reala lotu du lehen 25 minutuetan, eta baloia Manchesterrek izan du. Hortik aurrera gutxiago estutu dute eta Reala arnasa hartzen hasi da. Severovicek aukera ona izan du areaz kanpotik, baina onena Griezmannen falta jaurtiketa izan da. Ezkerkadak bete betean jo du De Gearen ateko ezkerreko zutoian.
42. min: Griiezmnannen falta jaurtiketa De Gearen ateko ezker zutoinera! Realaren aukerarik onena izan da.
40.min: Partida asko moteldu da. Manchesterreko jokalariak oldarkorrago ari dira, jaberik gabeko baloietan bereziki. Reala lasaiago ari da, hein handi batean aurkariaren presioa lasaitu delako.
30 min: Seferovicen aukera areaz kanpotik. De Geak geldiketa bikaina egin du. Manchesterrek ez du hainbeste estutzen eta Reala erosoago ari da. Bizitasun gutxiko partida da.
20 min: Epaileak ez du ontzat eman Manchesterren bigarren gola. Chicharito Hernandez jokoz kanpo zegoen. Manchesterrenak dira baloia eta aukerak. Realak ezin du bere presioarekin.
10. min: Bigarrena izan du Manchesterrek. Bravok erantzun bikaina eman dio Rooneyren jaurtiketari. Manchester gehiago da lehen minutuetan. Reala atzetik baloia atera ezinik dabil.
1. min: Manchesterren gola! Partida ezin okerrago hasi da. Manchester Unitedek gola sartu lehen jokaldian. Wayne Rooney arean barneratu da, Realeko hiru jokalari atzean utzita eta zutoinera bidali du baloia. Aldaratzea, baina, Iñigo Martinezek bere atean sartu du.
Hasierako hamaikakoak:
Manchester United: De Gea; Rafael, Jones, Evans, Evra; Carrick, Giggs; Valencia, Rooney, Kagawa; eta Hernandez.
Reala: Bravo; Carlos Martinez, Mikel Gonzalez, Iñigo Martinez, De la Bella; M. Bergara, Zurutuza; Vela, Xabi Prieto (Pardo, 67. min.), Griezmann; eta Seferovic.
6.000 zale inguru joan dira Euskal Herritik, eta ate baten atzeko goiko harmailak kokatu dituzte. Egun osoa igaro dute hiriko erdi aldean eta gehienak kalejiran joan dira Piccadilly Gardensetik Old Traffordera.
