Eurokopako A Multzoko faboritoa eta etxeko taldea lehen fasean kanporatuta geratu dira: Errusia eta Polonia. Aldiz, final-laurdenetara sailkatu dira Txekia eta Grezia.
Greziarena izan da ustekaberik handiena. Lehen bi partidetan itxura eskasa azaldu arren —puntu bakarra—, Errusiari 1-0 irabazi dio hirugarren jardunaldian, eta aurrera egin du, Karagunisek 46. minutuan sartutako golari esker.
Errusiak oso indartsu ekin zion txapelketari, Txekia 4-1 mendean hartuta. Aurrelari onak ditu, baina zelai erdia falta zaio.
Txekiak ere 1-0 irabazi du, Poloniaren kontra. Jiracek-ek egin du gola. Etxekoek ez dute talde ona dutela erakutsi Eurokopa osoan zehar.
A Multzoko sailkapena
1. Txekia. Sei puntu.
2. Grezia. Lau.
3. Errusia. Lau.
4. Polonia. Bi.
Final-laurdenetan
Txekiak final-laurdenetan B Multzoko bigarrenaren aurka jokatuko du eta Greziak B-ko aurrenaren kontra.
B Multzoko sailkapena (2. jardunaldian):
1. Alemania. Sei puntu.
2. Portugal. Hiru.
3. Danimarka. Hiru.
4. Herbehereak. Zero.
