Aspek eta Asegarcek zehaztu dute non jokatuko diren binakako txapelketako finalerdietako ligaxkako lehen jardunaldiko partidak. Ligaxka Bilbon hasiko da, larunbatean (17:00). Pablo Berasaluzek eta Aitor Zubietak, Oinatz Bengoetxea eta Alvaro Untoriaren aurka jokatuko dute. Untoriak Andoni Aretxabaleta ordezkatuko du zazpigarren astez jarraian. Aretxabaletak zuntz haustura du eskuan eta ez da sendatu oraindik.
Igandean, berriz, Donostian izango da partida. Iñaki Artolak eta Jon Ander Albisuk, Joseba Ezkurdia eta Jose Javier Zabaleta izango dituzte kontrario.
