Urki garaile, hirugarrenez, Euskadiko Txapelketan

SEGA. Jexuxmari Ormaetxea Urki-k irabazi zuen igandean Euskadiko Sega Txapelketako finala. Belar sail gutxien ebaki arren, Orendaingoak moztu zuen kilo gehien (2.996 kilo).Horrela, mendean hartu zituen hiru aurkariak: Mikel Alkorta (2.), Juan Joxe Lizaso (3.) eta Jon Kanflanka. Urkik Euskadiko hirugarren txapel nagusia du, 2003an eta 2010ean izan baitzen garaile.