Urrea lortu du Daniel Gyurtak 200 metro bular estiloan eta, gainera, munduko errekorra eginda. Europako eta munduko txapelduna izana zen; Jokoetako urrezko domina falta zitzaion. 2:07.28 egin du —2:07.31 zen aurreko marka, Christian Sprengerrek egina 2009an—.
Finaleko lehen laurdenean Kosuke Kitajima japoniarra joan da aurretik. Aukera historikoa zeukan: distantzia berean hirugarren olinpiar urrea lortzen lehena izatea. Azkenean, baina, laugarren izan da, segundo bat pasatxora.
1. Daniel Gyurta (Hungaria). 2:07.28
2. Michael Jamieson (Erresuma Batua). 0.15era.
3. Ryo Tateishi (Japonia). 1.01era.
100 metro librean AEBetara urrea, 24 urteren ondoren
Nathan Adrian (AEB) izan da 100 metro libreetako irabazlea, 47.52ko denbora egin da. Ia denbora berean geratu da bigarrena: James Magnussen (Australia), 47.53rekin. Brontzea Brent Haydenentzat (Kanada) izan da: 47.80. Frantziar izar Yannick Agnelek laugarren amaitu du (47.84rekin).
AEBek duela 24 urte irabazi zuen modalitate horretan azkeneko aldiz urrea.
200 metro tximeleta estiloan (emakumezkoak)
1. Liuyang Jiao (Txina). 2:04.06.
2. Mireia Garcia Belmonte (Espainia). 1.19ra.
3. Natsumi Hoshi (Japonia). 1.42ra.
4x200 metro (emakumezkoak)
1. AEB. 7:42.92.
2. Australia. 1.49ra.
3. Frantzia. 4.57ra.
Munduko errekorra emakumezkoetan 200 bular estiloan
Soni Rebeccak (AEB) munduko errekorra egin du emakumezkoetan 200 bular estiloan, finalerdi batean: 2.20.00. Bi segundoko aldea atera die beste denei.
