Victorrek eta Albisuk bikote sendoa osa dezaketela frogatu dute gaur Bengoetxea eta Larunberen kontra. 22-16 nagusitu zaizkie iazko txapeldunordeei.
Bengoetxeak eta Larunbek aurre hartu dute partidaren lehen tantoetan, eta bi bikoteak paretsu izan dira markagailuan, bederatzina egin duten arte. Hortik aurrera, Victorrek eta Albisuk oso pilota gutxi galdu dituzte, eta Albisuk atzean ezarri duen nagusitasuna ongi baliatu du Victorrek aurrean tantoa amaitzeko.
Urdinek 21-13 alde egin dute. Amaieran, Bengoetxeak jokaldi bidez tanto batzuk egitea lortu badu ere, 22-16 nagusitu dira Victor eta Albisu.
