Espainiako Kirol Kontseilu Gorenak Villar bere kargutik gaitasungabetuko du bihar. 09:30ean hasi da Espainiako Administrazio Auzitegiko batzarra, eta bukatzean eman dute erabakia: 1988tik jarraian Espainiako Futbol Federazioko presidente izan den Angel Maria Villarri espedientea irekiko diote, eta horrek kirol kontseiluak hura bere kargutik kentzea eragingo du. Era berean, federazioaren gidaritza lanean behin-behineko batzorde kudeatzaile bat jartzea ekar dezake egoerak. Asteazkenean hartuko dute etorkizunari begirako erabakia Espainiako Federazioko kideek.
2009tik aurrera, ustez senideen edo ingurukoen enpresetara dirua desbideratu zuen Villarrek. Horrez gain, ustez lagunarteko partidengatik ere komisioak kobratu zituen. Honako hauek dira Angel Maria Villarri egozten dizkioten karguak: iruzurra, agiriak faltsutzea, norbanakoen arteko ustelkeria eta leialtasunik gabeko kudeaketa, besteak beste. Bitartean, behin-behinean kartzelan jarraitzen dute Villarrek eta Gorka semeak.
