Tau Baskoniak akordioa lortu du Vlado Ilievski (Mazedonia) Olimpia Esloveniako taldeko joko antolatzailearekin, eta Olimpiak jakinarazi du fitxatu duela dagoeneko. Tauk ez du jokalariagatik deus ordainduko.
29 urte ditu Ilievskik, eta 1,88 metro neurtzen du. Olimpiarekin Euroligan aritu izan denean, batez beste 13,5 puntu sartu ditu eta 2,2 pase eman.
ACB Espainiako Ligan Bartzelonaren kantxan jokatuko du Gasteizko taldeak hurrengo partida -larunbatean, 18:00etatik, La2-, eta baliteke ordurako prest izatea base berria. Hain zuzen, Bartzelonan ere jokatutakoa da hura (2003-2005).
Hala ere, Euroligan ezingo du aritu Taurekin Top 16 fasea hasi arte, lehenengo fasean jokatu duelako. Hain justu, haietako partida batean jokatu zuen Gasteizko taldearen aurka, eta hamabost puntu sartu zizkion.
Mustafa Shakur da gaur egun Tauko bigarren basea -titularra Pablo Prigioni da-, baina ez du behar bezalako jokorik atera, klubekoen ustez.
saskibaloia
Vlado Ilievski basea fitxatu du Tau Baskoniak
Iruzkinak
Ez dago iruzkinik
Ordenatu
