Maisu handien moduan irabazi zuen atzo Australian William Clarkek (Uni Sa), Down Under itzuliko bigarren etapa. Lasterketa hasi bezain pronto tropeletik ihes egin eta bakarrik helmugaratu zen, Michael Matthews (Rabobank) bigarren sailkatuarekiko minutuko tartea lortuta. Halere, izugarrizko triskantza egiteko zorian izan zen. Etapa amaitzeko hogei kilometro falta zirela zortzi minuturen aldea atera zion tropelari, baina Movistarren lanaren erruz zazpi minutu jan zizkion pelotoiak.
Garaileak Martin Kohler (BMC) izan zuen iheslagun hasieran. Hain zuzen ere, lan horri esker lidertzan ipini zen Kohler. Sailkapen nagusian bi segundora dauka Andre Greipel (Lotto-Belisol) bigarrena, eta laura Matthews hirugarrena. Lehen euskalduna Gorka Izagirre da (Euskaltel-Euskadi), 11. postuan.
Garzelli, Saxo Banketik gertu
Ezusterik ezean, Stefano Garzelli Saxo Banken ariko da laster, Alberto Contadorrekin batera. Hala, Italiako Giroan egoteko aukera izango du italiarrak.
William Clarkek erakustaldia eman du Down Underreko bigarren etapan
Lasterketa hastearekin batera ihes egin du australiarrak, eta bakarrik helmugaratu da; Kohler jarri da lider
Iruzkinak
Ez dago iruzkinik
Ordenatu
