WIMBLEDON ETA MUNDUKO LEHENA

Novak Djokovic serbiarrak Wimbledoneko 125. torneoa irabazi zuen herenegun, bere ibilbideko lehena. Finalean, Rafael Nadal munduko lehen sailkatua hartu zuen mendean (6-4, 6-1, 1-6 eta 6-3). Grand Slameko final batean Nadali irabazi dioten lehen aldia da. Aurten Djokovic indartsu dabil, urtea hasi zenetik partida bakarra galdu izana da horren erakusgarri. Garaipen honekin, Djokovicek ATP zirkuituko lehenen postua kendu dio kataluniarrari. Gaur egun, 2.015 puntuko aldea dauka Nadalekiko. Roger Federer suitzarrak jarraitzen du hirugarren postuan, lehen sailkatuarekiko 4.055 puntura. Grand Slameko hurrengo torneoa AEBetako Irekia izango da.