WTAko lehen torneoa irabazi du Arruabarrenak

TENISA. Lara Arruabarrena tolosarrak Copa Colsanitas torneoa irabazi zuen herenegun Bogotan, finalean Alexandra Panova errusiarra mendean hartuta (6-2 eta 7-5). 19 urteko tenislariak WTA zirkuituan lortu duen lehen titulua da, eta horri esker 106.a da sailkapenean. «Oso pozik nago. Ez dut inoiz ahaztuko hemen bizi izan dudana», aitortu zuen.