Xabier Imazek ez du Aspen jarraituko eta Mikel Atxak ere ez

Sebastien Gonzalezen kontra 2. Mailako finala jokatutako beste pilotariak, Xabier Imazek, ez du nonbait enpresaren konfiantza bera. Abenduaren 31n amaitzen zaio Asperekin daukan kontratua, eta dagoeneko esan diote ez diotela kontratua berrituko. Enpresako entrenatzaile eta prestatzaileek harriduraz hartu dute albistea, haiekin inolako kontsultarik egin gabe hartu duelako erabakia Fernando Bidartek, eta haiek Xabier Imazi buruz osatu dituzten txostenek oso bestelako datuak ematen zituztelako pilotariari buruz. Aspen jarraituko ez duen bestea Mikel Atxa da. Kontratua amaitzeko oso egun gutxi falta zirela eta telefono bidez jakinarazi zioten ez zuela enpresan jarraituko.