Otsailaren 21ean jokatuko du azken partida Yves Xalaberri Xala-k(Lekuine, Lapurdi, 1979)Asperekin, Eibarko Astelenan (Gipuzkoa). Julen Martijarekin jokatuko du, eta haren azken partida Martijaren aurrenekoa izango da —egun horretan debutatuko du—; Retegi Bi eta Cecilio izango dituzte aurrez aurre. Gainera, enpresak jakinarazi duenez, Lapurdin ere jarriko diote partida bat, agur gisara.
Nolanahi ere, pilotan jarraitzeko asmoa du Xalak, eta bi aukera ditu horretarako: ezkerparetan, Garferekin, edo trinketean, Eskupilotarekin. Edo biak ere egin ditzake.
Behobian (Lapurdi) bildu dira Fernando Bidarte Aspeko burua eta Lekuineko pilotaria. Bilera adeitsua egin dute, eta berretsi egin da Aspeko buruak asteburuan egindako adierazpenen ostean espero zena: Xalari ez diote berrituko kontratua.
Xalak otsailaren 21ean jokatuko du azken partida Astelenan eta martxoan Iparraldean agurtuko https://t.co/C65Sn5TTySpic.twitter.com/YCoryTGUwt
— ASPE Pelota (@ASPEpelota) February 2, 2016
Xalak 2000. urtean egin zuen debuta, Asperekin azken partida jokatuko duen toki berean: Eibarren. Eta ez du nolanahiko palmaresa osatu hamasei urteko ibilbidean: Binakako Txapelketa irabazi zuen 2002an, 2007an eta 2010ean; eta buruz buruko txapela irabazi zuen 2011n.
