Ander Elosegi piraguistak ezin izan du dominaren arantza kendu RIoko Olinpiar Jokoetan. Irundarra bigarren denbora onena eginda sailkatu da finalera, baina bertan egindako akatsek baldintzatu dute haren denbora. Zortzigarren postuan amaitu du proba, eta diploma olinpiarra lortu.
Pekinen eta Londresen palada gutxira gelditu zen dominatik: bietan bukatu zuen 4. postuan. Riora konfiantzaz iritsi dela kontatu dio Imanol Magro Eizmendi berriemaileari. “Finalera sailkatuz gero, arriskatu egingo naiz”.
