ZORTZIGARRENA DA JADA

Ez dabil oso fin Los Angeles Lakers, ezta Kobe Bryant ere. Hala ere, eskoltak markak hobetzen jarraitzen du; azkena, joan zen asteburuan, Sacramento Kingsen aurka. Egun horretan sartutako puntuei esker, Bryantek Hakeem Olajuwon gainditu zuen, NBAn puntu gehien sartu dituzten sailkapenean. Zortzigarrena da orain (27.013 puntu lortu ditu, gaurko partida kontuan hartu gabe), eta aurki hartuko dio aurre Elvin Hayesi (27.313 puntu). Kareem Abdul-Jabbar handia ageri da buruan, 38.387 punturekin. Argazkian, Bryant jaurtitzen, Amar'e Stoudemire New Yorkekoaren aurrean.