Duela 16 hilabete erabaki zuen Zubiaurrek Realetik Athleticera joan nahi zuela, baina gaur arte ezin izan du talde zuri gorriarekin jokatu eta ezta entrenatu ere, Realarekin eduki duen auziagatik. Auzia epaitegietan dago oraindik, baina Futbol Profesionarelako Ligak Athleticek bidalitako fitxa egin dio Zubiaurreri (min hartu duen arte, Tikok izan duena).
Luze jo du auziak, eta Zubiaurrek azaldu du buruari buelta asko eman dizkiola denbora horretan. "Oso gogorra izan da". Aitortu duenez, futbolean jokatzeko aukera oso urrun ikusi du momentu batzuetan, baina etsi, ez du inoiz etsi.
Realeko zuzendaritzarekin bereziki minduta azaldu da mendaroarra: "Ulertzen dut Realak bere interesak defendatzea, baina hortik niri eskubidea ukatzera tarte handia dago".
Zubiaurre auzia
Zubiaurre zuri gorriz jantzi da
Iban Zubiaurre futbol jokalaria Athleticen arituko da, azkenean. Klubeko zuzendari Ana Urkijok gaur aurkeztu du jokalaria, eta jakinarazi dutenez 21 milioi euroko klausula jarri diote. Jokalariak gaizki pasatu du azken 16 hilabeteetan, eta garbi esan du, ez diola inori opa berari gertatu zaiona.
Iruzkinak
Ez dago iruzkinik
Ordenatu
