Aurkezpenak.net webgunea jarri dute abian Interneten ozeanoan. Mioketa euskara elkarteak eta Bitarlan Informatika eta Web Zerbitzuak enpresak jarri dute martxan. Erabiltzaile euskaldunaren eskura aurkezpenak on line kudeatzeko eta ikusteko webgune bat eskaintzea da asmoa. Beraz, Interneteko edozein erabiltzailek izena eman ahal du webgunean bere kanal propioa sortzeko, eta une horretatik aurkezpenak sareratu ahal izango ditu hainbat formatutan —PDF, Power Point edo Open Office Presentation formatuetan, esate baterako—.
Behin aurkezpenak sareratu ondoren, on line ikusi eta erakutsi ahal dira edo deskargatu ahal dira, nahierara.
Erabiltzaile bakoitzak bere kanala izango du. Era horretan, erabiltzaile bakoitzaren kanalaren helbidea http://www.aurkezpenak.net/erabiltzailea izango da, erabiltzailea izanda erabiltzaile horrek aukeratu duen izena.
Aurkezpenak zerbitzatzeko Slideshare webgunearen ahalmena baliatzen du proiektu berri honek. Horri esker, Slideshare. com izen handiko webgunea denez, aurkezpen bat Aurkezpenak.net-en jartzen den bakoitzean Slidesharen ere jartzen da eta orduan eskuragarri egongo da gune batean zein bestean.
Hau da webgune berriaren helbide elektronikoa: http://aurkezpenak.net.
Zibergela
'Aurkezpenak.net' jarri du abian Bitarlan enpresak
Iruzkinak
Ez dago iruzkinik
Ordenatu
